ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្រ្តីអង់គ្លេស ជំរុញឱ្យប្រទេសលោកខាងលិចរឹបអូសទ្រព្យសម្បត្តិរុស្សីដែលបានបង្កកទុក

  • ចុះផ្សាយថ្ងៃទី២៥ ខែកុម្ភៈ ឆ្នាំ២០២៤ ម៉ោង ១៣:៣១ នាទី ដោយ Mesa
  • 1964
  Aa |   aA

អង់គ្លេស៖ នាយករដ្ឋមន្រ្តីអង់គ្លេស លោក រីស៊ី ស៊ុនណាក់ (Rishi Sunak)​ ថ្លែងថា៖ "ប្រទេសលោកខាងលិចគួរតែមានភាពក្លាហានជាងនេះ ទាក់ទងនឹងការរឹបអូសទ្រព្យសម្បត្តិរបស់រុស្ស៊ីដែលបានបង្កកកន្លងមក ចាប់តាំងពីការវាយប្រហារ និងឈ្លានពានរបស់រុស្សីទៅលើអ៊ុយក្រែនកាលពីឆ្នាំ២០២២"។ 

នៅក្នុងអត្ថបទមួយដែលបានចេញផ្សាយដោយសារព័ត៌មាន Sunday Times លោក Sunak បានកត់សម្គាល់មតិរបស់លោកចំថ្ងៃខួបគម្រប់ ២ឆ្នាំនៃការវាយប្រហាររបស់រុស្សីទៅលើអ៊ុយក្រែន ហើយលោកបញ្ជាក់ថា រដ្ឋាភិបាលទីក្រុង គៀវ (Kyiv) នៅតែបន្តតត្រូវការអាវុធរយៈចម្ងាយឆ្ងាយ, យន្តហោះគ្មានមនុស្សបើក និងគ្រាប់បែក ក៏ដូចជាជំនួយផ្សេងៗទៀតក្នុងការទប់ទល់នឹងសង្គ្រាមដែលនៅតែអូសបន្លាយពេលនេះ។

កាលពីខែមុន រដ្ឋមន្ត្រីក្រសួងវិនិយោគរបស់អង់គ្លេស លោក Dominic Johnson បានជួបជាមួយអនុរដ្ឋមន្ត្រីក្រសួងរតនាគារអាមេរិក លោក Wally Adeyemo ដើម្បីពិភាក្សាអំពីការរឹបអូសទ្រព្យសម្បត្តិរបស់រុស្ស៊ីដែលបានបង្កកទុកកន្លងមក ប៉ុន្តែបានសង្កត់ធ្ងន់ថា ការរឹបអូសទាំងនោះចាំបាច់ត្រូវធ្វើឱ្យស្របតាមច្បាប់អន្តរជាតិ។ កន្លងមក សហភាពអឺរ៉ុប សហរដ្ឋអាមេរិក ជប៉ុន និងកាណាដា បានបង្កកទុកទ្រព្យសម្បត្តិរបស់ធនាគារកណ្តាលរុស្ស៊ីប្រមាណ ៣០០ ពាន់លានដុល្លារក្នុងឆ្នាំ២០២២ នៅគ្រាដែលរុស្ស៊ីបានចាប់ផ្តើមប្រតិបត្តិការឈ្លានពានលើអ៊ុយក្រែន។ មិនត្រឹមតែប៉ុណ្ណោះ បណ្ដាក្រុមប្រទេស G7 ក៏បាននិងកំពុងសិក្សាការរឹបអូសទ្រព្យសម្បត្តិដែលអាចជាមធ្យោបាយមួយដើម្បីឱ្យរុស្ស៊ីសងនូវរាល់ការខូចខាតចំពោះការឈ្លានពានទៅលើអ៊ុយក្រែន។ 

ដោយឡែក ក្រៅពីលើកឡើងអំពីគំនិតនៃការស្នើឱ្យមានការរឹបអូសទ្រព្យសម្បត្តិរបស់រុស្សី លោក Sunak ក៏បានអំពាវនាវ និងជំរុញឱ្យអាមេរិក​បន្ត​ផ្តល់​ជំនួយ​ហិរញ្ញវត្ថុ និង​យោធា​សម្រាប់​អ៊ុយក្រែនផងដែរ។ ​នាយករដ្ឋមន្រ្តីខាងលើថ្លែងថា៖ "យើងមិនគួរមើលរំលងអ្វីដែលអាមេរិកបានធ្វើសម្រាប់អ៊ុយក្រែន និងសម្រាប់សន្តិសុខក្នុងតំបន់អឺរ៉ុបនោះទេ។ ខ្ញុំជំរុញ (សហរដ្ឋអាមេរិក)  ហើយខ្ញុំជឿជាក់ថាពួកគេ (បន្តការគាំទ្រ) នឹងការគាំទ្របន្តទៀត"។ ថ្មីៗនេះ ក្រសួងការពារជាតិអង់គ្លេសបានប្រកាសផ្តល់ជំនួយចំនួន ២៤៥លានផោន (ប្រមាណជា ៣១១លានដុល្លារអាមេរិក) ដើម្បីផ្តល់មូលនិធិគាំទ្រដល់អ៊ុយក្រែនកាលពីថ្ងៃសៅរ៍កន្លងទៅ៕



ព័ត៌មានជាច្រើនទៀតសម្រាប់អ្នក